Tuesday, October 18, 2011

sanggup munuh anak


Apuuu... begau bala mensia laban kes ke nyadi ba Betong nya. Nembiak beranak ba asrama, udahnya alu nyayat anak iya empu. Ngagai kita ke baru nemu tauk google kita pasal kes nya.

Apuuu.. nyau baka ulah jelu!!

Indai janik nemu agi ngaya anak ari mensia!!

Ka kiamat hari tu, kempang ati ya ngaga anak mit nya bakanya!!

Pia ko sekeda jaku orang ke peda aku ba facebook. Facebook diatu jampat agi ari berita ke bukai. Mayuh udah orang post gambar baby nya ba wall peda aku. Nyau pansut perut (usus) anak mit nya dikereja ke indai ya.. Nda semua gak orang terus mengutuk, bejai ke indu nya. Bisi nya sekeda berunding enggau panjai pasal kes nya. Aku pan ka ringat2 gak meda utai bansa tu nyadi.. kelebih agi utai tu nyadi ba menua kitai.. kada nda bansa kitai empu neh.

Ba runding aku, ulah ke bansa nya sigi salah. Kati enda salah, laban nya udah munuh mensia.. Anak diri agi nya. Tang kitai mesti berunding agi bakani situasi nya sebenar nya. Kitai enda nemu nama utai udah di lalui indu nya. Tu ukai ngenang penyalah ya ke beleman enggau pangan ya. Tang situasi ya ke udah ngandung lalu beranak, enggau munuh anak iya empu.

Asai aku indu tu iya udah lenyau harapan, pikir iya nyau buntu lalu ngujung ke iya munuh anak nya. Udah gak pangan iya empu enggai bertanggungjawab. Dalam diri indu nya penuh enggau kebencian, api kemarahan. Iya pan lalu pandak runding, ngambi pisuk alu nyayat anak ya. Pemenci iya ke apai baby nya engka dilepas ke iya ngagai anak nya. Enti iya enggai ngempu anak nya iya tauk muai anak nya aja. Tang tu lalu disayat iya. Sifat keperimanusiaan ya udah lenyau maya nya. Tang aku pecaya, udah tu ila bisi asai kesal ba ati ya. Aku ngarapka Tuhan ulih nulung iya, meri iya harapan, pia mega ulih ngampun ke iya. Taja pan ukum dunia sigi nganti iya.

Pia mega pelaba aku iya nadai bulih sukung ari orang sekeliling ya. Nadai orang ke ulih ngiring iya maya iya ke ngandung ke anak nya. Ukai aku madah kitai patut nyukung sida, maksud aku tajapan sida iya udah kelanjur ngereja penyalah nya, anang sekali-kali kitai lalu bejai ke sida.. Kitai patut ngiring sida awakka utai bansa tu enda nyadi agi. Laban engka ketegal iya ti takut ke hal nya. Iya lalu diau diri aja. Kitai semua nemu penanggul tu penanggul ke besai, enti kitai kediri aja kitai udah tentu enda ulih ngesan penanggul nya kediri.

Takut ninga utai ke bansa tu nyadi ba menua kitai. Sebedau tu ninga orang bebuai ke anak aja. Tang tu nyau bebunuh ke anak ke baru ada. Akaaiii daiii.... nya aja utai ka dipadah aku.

No comments:

Post a Comment