Tuesday, December 8, 2009

Rian.. Ooo... Buah Rian


Rian.. Ooo... Buah Rian





“Aku enggau kita kitu laban ka ngulihka empikau (tempoyak)”, pia ko Ini ku. Ba menua apai aku sigi mayuh buah rian. Tanam sida niang aki ku suba. Tang tempat sida nanam rian nya jauh amai. Ba kaki bukit Selanjan. Nemu kita? Errmm.. Ba Sri Aman ditu. Enti bedarat kin, 30 minit bisi asai aku. Nitih ke pengelaju pangan diri gak pia. Enti orang ke regas ke dapat agi.. jampat agi meh datai. Enti indai aku sigi nyau sengah-sengah tudah ya. Hehe.. Taun tu nadai entu lebat bebuah enti banding enggau ngelama tu. Diempa bisi gak nya. Pulai ngagai jaku Ini ku tadi. Nya ini sepiak indai aku, enggau nemuai. Ya lalu ngasuh kami menyadi ke bukit kin, ngulihka buah rian. Tumu pagi ngerak. “Alai kita empat kin.. Mayuh mai ulih enti kita empat kin lagi”, ko ya. Alu bersikap, ngirup dulu ngambi energy ka kin. Lama gak aku udah enda kala kin. Enda ingat berapa taun udah nadai kin. Suba maya musim rian selalu kin. Maya agi mit suba kala meh laban sida menyadi apai aku bekebun datas din. Galak amai lada enti ditanam din. Nitihka sudut geologi.. anang-anang batuan igneus diak. Kuikuikui.. alu igneus. Bedau ngaga pansik batu diak aku. Maya ke mansa sungai nya sempat ga aku nilik-nilik batu. Tetemu ke “Pyrite”. Iya shinning ko orang putih baka emas. Dikumbai kami emas bodoh. Gamal ya baka emas tang enti digosok warna iya bertukar celum. Jaga-jaga kita enggaika orang nyual pyrite nya agai kita. Enti ke atas agi.. Besai-besai batu. Alai nanam rian nya agi dikira agi baruh. Alai nanam lada nya ke ba atas agi. Udah datai din, kami empat.. kakak aku, abang aku 2 iku enggau aku lalu berengkah ngiga rian. Tang mimit aja ulih kami. Baka udah diambi orang bukai. Engka bisi orang udah dulu mulung rian diak. Nasib ga bisi mimit. Enti enda sia-sia ja kia. Enggai bebula, aku sigi enda nemu ni bagi rian ke manah. Semadi abang aku ke nemu gaya bulu rian nya. Enti aku aja.. kada enda jai magang dibai aku deh. Mak aku lalu ngaga empikau terus udah nya.. Lelak mai nyium bau rian nya ko ya. Ukai semina buah rian jak maya tu, buah rambutan, buah langsat, buah mempelam bisi magang. Bendar makai buah.. Aku bendar meh ngulam buah mempelam. Nadai pan ngira manis ke enda.. Ke masam nya abis meh dipajuh aku. Hehe.. Bahh.. Nya aja cerita aku. Bye..



2 comments: