Saturday, July 11, 2009

Buah Kechepung @ Kuih Melaka



Keni gaya gamal kuih gaga aku? Oke ka enda? Hehehe... Cuti sem arinya, sebedau aku pulai.. aku enggau mak aku bisi ngaga kuih siti. Very simple ko orang putih. Hehe.. Nama ya Buah Kechepung ( aku enda meh nemu kati tauk nama ya baka nya.. nama enda buah kechepung nya). Tauka nama melayu ya.. Kuih Melaka.

Antara bahan ke diguna kitai ngaga tu iya nya:-
1. Isi nyiur tuai
2. Gula apong
3. Tepung pulut
4. Gula
5. Ai
6. Pewarna enti kita ka.. (tauk nibuh)

Keterubah ya.. kitai mesti ngaga puak tauka inti ya dulu.

1. Isi nyiur tadi diguring kitai enda ibuh beminyak sampai ya rangkai enggau kuning mimit. Bau nyiur ke diguring nya tadi pan niki. (keluar bau).
2. Udah nya kitai lalu nguring gula apong sampai iya nyau cair mimit. (asai2 udah chukup)
3. Lalu champur nyiur enggau gula apong tadi.



Baka tu meh gamal nyiur enggau gula apong enti udah dichampur kena kitai nyadika puak. Bisi mega resepi lain nibuh champur nyiur. Puak ya sigi gula apong nyuang.

Udah nya kitai ngaga adunan tepung. Kena ngaga kuih tu kitai ngena tepung pulut. Arinya aku ngena 1kg tepung pulut. Nitih ke penyampau ti dikedeka kita.


Tepung pulut nya tadi ditambah mimit enggau gula awakka manis. Enti kita ka nyuruh iya nampak manah agi kita tau meri ya pewarna. Tang aku ngaga iya nadai bewarna. Natural colour jak.. Hehe. (nadai ingat engkah warna kebendar ya..). Udahnya champur ai mimit-mimit. Anang tak alu nabak ai mayuh.. enggaika nyau nyadi cucur lagi. Kitai ka tepung ya kental dan kenyal. Huhu..

Udah adunan tepung kitai siap. Kitai lalu ngaga baka ke ditunjuk aku di baruh tu.. Anang kelalu nipis enggau anang kelalu tebal kulit ya. Udahnya pandai-pandai kita ngulung ya enggaika bucur.


Gulung meh nitih penyampau kita ka.. Kira dulu berapa tubuh kita ba rumah diak. Enti ka nyangkung bala kawan bala pangan gaga mayuh gak.. Hehe.


Udahnya kitai deka ngerebus kuih kitai tu tadi. Enti bisi daun pandan kita tau engkah mega awakka bau harum agi. Senang aja enti ka nemu iya udah mansau laban buah kechepung nya melepu (timbul). Lagi bisi bala tertanya-tanya.. udah mansau nya? mansau ke bedau nya? Udah iya mansau.. lalu diguling ba atas nyiur tuai ke fresh.. Ukai ke diguring.. Menjadi salutan ya.

Siti agi alternatif kitai enggau bahan nya tadi iya nya ngaga sungkui (enda nemu keni kita ngangau nya laban iya mayuh nama). Kita tau ngambi daun pisang. Chara ngaga baka tadi meda tang diatu tungkus enggau daun pisang.


Gaga bentuk lebih kurang ketu. Dahnya lalu tungkus enggau daun pisang. Tapi ukai direbus baka buah kechepung tadi tang dikukus.



Baka tu meh gaya enti iya udah mansau...

Babai.. Bisi hari tau gak ngaga kuih nya.. :P

1 comment: