Saturday, June 27, 2009

Raun ke Betong & Debak

Ari suba kaban aku Umi udah mai aku nemuai ke Betong..
Tang nya meh nadai ari. Hihi..
Baka ke bz mai gak gaya.. Tp sigi amai nadai ari meh..
Baru saritu tadi aku bisi peluang nemuai kin enggau Wie & Lua.
Nyau ka pukul 10 kami 3 angkat ari Sri Aman.. Udah ngisi minyak apa semua meh..


Kami 3 baru angkat ari Sri Aman deka ke Betong..
Manah hari pagi tu tadi. Nasib mai gak..


Tu jambatan Batang Lupar..
Sama ai ke ba wap Sri Aman nya meh.. ai lupar..


Nda entu peda.. signboard madah Betong 16km agi..
Dahnya bc Kampung Murat 7km tama kedalam kin. Bisi Skrang River Safari.
Suba ku kala ke Murat kin.. Nganjung menyadi aku ya ka ngajar ba Ng. Entalau.. Nganti perau dia. Amai manah ai dia..

Mayuh ga alai ke narit ati tau dikunjung kitai ba menua kitai ditu kebendar ya.
Dudi ari ila singgah ba semua alai ke bisi nya. Hehe..

Maya kami baru ba rumah panjai org ba Rian Batang ba Betong.
Rumah ditu agi rumah jenis lama. Bebagi 2 rumah panjai tu.
Alai kami ke begambar nya jalai antu (jalai kena nganjung org mati..
Ukai alai antu mansa.. ehehe) keno ko kaban aku.
Nya alai sida nadai berumah dia.

Benung meneliti igi jagung dijembi org ba tanju.
Hehe..

D : Manah amai igi jagung tu..
F : Sigi manah.. dipilih kami ari bansa jagung ke manah
C : Kenyang kitai laban tu ila.. Bisi gak dijual ba simpang nyin..


Usaha sama ka menubuhkan syarikat jagung..


Pic tu ka dijadikan cap ba tin jagung kami ila.. Ahaks..
Andau ba depan rumah panjai Rian Batang.. Sepiak kin rumah panjai sebuah..

Bisi org nyau rauh2 niti andau tu..
Sapa nya neh? Nti ya maca nemu meh ya ngasai kediri.. Hehehe..
Di baruh nya ai Sungai Layar

Tu pelayan ba kedai cina endur kami makai. Hehehe.. Ngaku mai neh kaban aku tu.
Udah gak baju ya warna mirah baka baju org ba kedai nya.
Lua partime job ba kedai makai ba Betong. Hehehe..


Lapar perut.. ari Sri Aman tadi enda makai.
Bai Umie makai ba kedai cina ke klasik ba Betong.
Huhuhu.. Nyau asai ba China Town mimit. Asi campur nya rm4 tadi.


Simbol ba pasar Betong.. Pun getah..

Ku nda meh entu nemu nama kaitan. Engka mayuh getah ba Betong.

Putrajaya versi Betong.. Manah ga bangunan tu. Alai segala upis pentadbiran.
Ba atas bukit tempat ya. Dahnya bc perumahan ba baruh nya. Rumah besai2 dia..


Saranghae~~~~

Puuu.. Nyau baka gambar famili. Hehehe...


Udah angkat ari Betong kami nuju rumah panjai kaban aku Wie.
Rumah panjai sepiak mummy ya Ulu Bayur. Tekenyit amai ku meda rumah tu tadi.
Asai ku alah kini rumah ba Kpg Budaya.
Rumah panjai tu agi mengekalkan stail lama.
Peda kita pemesai tiang rumah sida ya.
Utai ti narit aku pasal rumah panjai orang kadap ke Betong, Debak iya nya ruai sida ti besai.


Tu meh ke nyadi tourist guide kami ba Ulu Bayur.
Ex TR nya menyadi ini ya ko ya madah.. ehehe..
Bisi kami meda Ex TR benung ba ruai. Sempat gak bala ngerandau ya enda lama..

Kaban aku alu nanya ni tiang ti pemadu ya besai ditu.. Lebih kurang ko Ex TR nya..
Tiang ke kena berap nya tiang ke terubah dientak ke org maya ngaga rumah tu..
Rumah tu bedau kala diubah suai semenjak ya digaga kelia.

Seduai ya ka nguji layak ke enda nyadi model ba iklan cuti-cuti sarawak.
Aksi benung nukang ka penjan.. Yoo lahh..


Sempat gak nyenguk ari penjan sida ditu... ehehe...


Tama ke bilik... dahnya dalam bilik nya alu bisi dinding gak..
Tang sida bekunsi ke pintu siti aja.

Benung ngemasahka kaki ba ai bayur ditu.. Ohh amai.. siti agi ke narit ati iya nya org menua tunga ditu semua rumah panjai bisi tugu pengingat laban menua tunga ke kami nadai deh.. hikhikhik...

Benung lepak2 tisi jalai ba jalai Ulu Bayur...

Nya ya.. sida 4..

Kami semua.. bisi member ke paling mit. Darjah 2. Ahaks
Umi nya naban ke anak org..
Udah nya kami musin enda lama rumah panjai sepiak apai Lua ba Inar dia.
Enda niki kami.. Semadi meda aja.

Tu gambar kami ba bilik aki kaban aku Lua.
Rumah panjai org Suri ba Debak.

Ngirup sarsi.. Hehe..

Tu meh gaya ruai sida ya. Seperti rumah bukai ruai sida sigi besai amai.
Nti alai poco2 sigi lantang ah..

Ba mua rumah.. Rumah aki Lua nya sigi ba pun jalai amai2..

Tu gaya pasar Debak. Mimit jak kedai diak.. Tapi laku nya asai ku deh..

Apuu.. sida tu neh.. Nyau ka pulai baru begambar ba Selamat Datang nya.. ehehe..
Enggai enda ampit meh jara..

Nyau lemai ari.. Udah nyinggah ke Sida Umie ngau bala sedadu ya ba Betong kami 3 pan lalu mupuk pulai ke Sri Aman baru.. Hari nyau lemai..


Ke dibaruh tu gambar aksi kami mengapai bintang kununnya. Tang hari siang dini meh bisi bintang. Gaga mai sida begambar merejuk engkecit ketu. Hahaha..
Udah nya nyau peluh2 bai engkecit. Tapi rasa stedi mai.. Hesh~

Cubaan 1 ba Betong

Cubaan 2 ba Betong meh..

Cubaan 3 ba Ulu Bayur..


Cubaan 4 ba Ulu Bayur..


Bah.. Nyau lelak asai tu.
Nya meh pengawa aku ngau bala kawan aku sehari tu.
Rindu gak bejalai kenya sekali sekala..



No comments:

Post a Comment