Thursday, May 21, 2009

my trip to Sandakan - Lahad Datu - Tawau

Orang udah pulai ke rumah magang tang kami geologi bisi fieldtrips ngagai bahagian Timur Sabah. Tu fieldtrips ke penudi dalam subjek Geologi Sejarah & Stratigrafi. Jeles asai ati meda orang bukai pulai tumu.. Pengelama kerja lapangan tu iya nya 5 hari. Kami berengkah kena ka hari 6, 09.05.2009


Hari ti keterubah kami angkat ari Kota Kinabalu kira ke pukul 8.45 am. Kami mansang deka nuju Sandakan. Baka selama, mansa Tamparuli, Kundasang enggau Ranau ( bisi aku post kami kerja lapangan ba ditu). Tinduk aku maya tu, enda berasai nyau datai ba Ranau. Laban udah kala mansa nya nyau enda gagit agi. Kami ngetu makai tengahari ba dia. Udah ngetu, kami lalu nuju Telupid. Ba Telupid kami singgah ba lokaliti keterubah iya nya Sungai Taviu. Ditu kami meda lava bantal. Lapa iya dikumbai lava bantal?? Laban bentuk iya baka panggal. Hehe.. Tapi nadai entu nyata laban mayuh udah terluluhawa. Udah nya kami lalu singgah ba tisi jalai meda Formasi Kulapis ba jalai Ladang Sapi Nangoh. Nyau baka nama enda meh pendiau bala kami bekejangkit ba sebelah batu tisi jalai. 

Nyau malam baru kami datai ba Sandakan. Kami lalu ngiga hotel. Last kami check in ba Seafront Hotel. 9 iku kami dalam siti bilik.. Haha. Sekut diri. Enda ngawa laban mina semalam aja. Tumu pagi nyau mindah baru. Kedai ba Sandakan udah tutup magang. Kaban aku ari Sandakan madah pukul 5 udah tutup kedai dia. Kami ngiga alai makai malam nya.. apai tuai ke kerja muka pintu hotel ke mai kami agai kedai makai. Haha.. Sporting lah pak cik nya. 


Kami benung ba tisi jalai ba Ladang Sapi Nangoh



2nd day kami check out ari Seafront Hotel Sandakan. Sempat ngirup mimit ba hotel agi asai lapar kami lalu breakfast ba kedai tambi makai roti telur. Hehe.. Ngaika nadai dapat fieldwork. Sebedau angkat ari Sandakan, aku sempat begambar ba tebing tasik Sandakan ditu sebagai kenangan meh udah kala ke Sandakan. Saritu kami bisi 4 iti lokaliti. Apuuu.. sigi berasai amai. Ke paling lucu iya nya.. benung syok tinduk dalam bas. Sekali berhenti alu terus fieldwork. Akai.. pala agi enda betul. Agi MAMAI. Haha.. Badi ngigau neh. 1st kami agai Empangan Kampung Garinono meda melange ( batu ke berchampur-champur mayuh jenis). 2nd kami singgah ba Kampung Pertanian meda Formasi Sandakan. Enda jauh ari empangan nya tadi. Udahnya kami ngetu makai ba Pekan Kinabatangan. 3rd kami singgah ba Gua Batu Tulug. Tu terubah ya aku tama dalam gua. Meda struktur gua batu kapur. Nitih ke kala dipelajar sekolah rendah ba Kajian Tempatan suba bisi meda stalagtit enggau stalagmit. Amai tinggi bukit tu.. bendar niki tangga. Ba tucung bukit tu kami ulih meda semua kawasan. Ba dalam gua tu mayuh santubung. Kumbai bala sekeda perau laban bentuk ya baka perau. Kepenudi kami singgah ba kawasan Sekolah Teknik Lahad Datu meda Formasi Libung. Batu ditu baka gaya batu biasa tang iya nyelai mimit. Iya kebendar ya debu ari gunung berapi ke dikumbai tuff. Enti kitai megai iya, iya lempung agi ari batu biasa. Nyau malam mega kami datai ba pasar Lahad Datu. Tu lama kami decide hotel ni deka dituju. Last-last kami diau ba Asia Hotel. Pama gak pengemar hotel tu tapi tu ke paling oke alai diau. 

Lahad Datu agi 163 km. Tawau agi 314 km





3rd day kami bisi 4 lokaliti. Maya dalam pejalai tu aku meda mayuh amai ladang sawit. Bahagian Timur Sabah sigi penuh enggau ladang sawit. Entah berapa ratus ribu hektar enda nya kini. Kawasan kerja lapangan kami saritu pun ba kawasan felda. 1st kami meda Formasi Ganduman kira-kira 2 km agai simpang Bandar Sahabat (Felda Sahabat). 2nd kami singgah ba Pekan Sahabat ba Tungku. Udahnya kami ngetu makai tengahari ba pasar mit dia. Mayuh lalat tempat nya. Kamah.. Nadai aku kala meda lalat ngemayuh nya ba pasar. Enda nyadi kami makai diak, semina meli pau aja. Udahnya kami lalu agai Kuari Sungai Membatu, nama tempat pun Membatu. Akai.. Nyau asai ka mutah meda mua batu aja-aja. Haha.. Last kami singgah ba tisi jalai kira-kira 42 km agai Lahad Datu. Mit aja outcrop peda kami ditu. Meda debu volkanik. Ba seberai kami ulih meda kon-kon volkanik. Ka kin tang jauh mansa kampung enggau ladang sawit. Hehehe.. Prof aku madah ya kala kin suba maya 1979. Bisi kawah din ko ya. Lemai nya datai ba hotel enda nemu nama ka empa. Ujung-ujung sida tapau kfc aja meh. Nyau enda berani agi ka keluar malam. Bahaya amai Lahad Datu alai keluar malam. Kawan aku nyau kena gagai orang malam keterubah. 



Sempat begambar enggau buah sawit sida tu neh.. Ahaha..






4th day kami check out ari Asia Hotel Lahad Datu. Kami deka bejalai nuju Tawau. Sebedau datai ba Tawau mansa Kunak enggau Semporna. Sama meda kami bisi 4 lokaliti. 1st kami singgah ba Bukit Silam. Kawasan alai orang singh nunu mayat rupanya endur kami nya. Hehe.. Prof kami nyuruh anang inggar. Pelaba iya bisi sida sepiak kami. Echakk.. Hehe..

Dahnya kami singgah ba Gua Madai ba Kunak. Suba selalu kitai meda ba dalam buku teks sejarah pasal Gua Madai. Alai tempat orang diau zaman paleolitik enti enda salah aku. Bau amai tempat tu.. Engka bau tai entambah. Udah ba Gua Madai kami alu singgah ba 26 km ka agai Semporna meda intrusi magma ba ditu. Batu ya burak laban mayuh mineral felsik. Dahnya kami singgah enda lama ba Kaki Gunung Tock. Meda batuan andesit. Dahnya kami terus nuju Tawau. Datai ba Tawau kira-kira pukul 2. Tawau umbas ya besai bandar ya. Udah kepuas ngiga hotel, cek rate hotel kami lalu check in ba Monaco Dynasty Hotel. Hotel ba Tawau lain mimit.. alu sama begulai dia magang. Area hotel alu dia aja. Sepiak-sepiak aja. Malam nya pan makai ba kedai cina ngimbai hotel diak. Makai sasau@chasau (babi).. Haha..




Ba kaki gunung Tock meda andesit.






5th day kami semina bisi 2 lokaliti. Apuuu.. enda berasai nyau abis fieldtrip. Naka pemayuh meh report ka digaga. 16 iti alai singgah, 16 iti meh reports (bedau tambah ke dulu). Sigi bendar meh aku ngaga nya. Terubah kami agai Bukit Tiger. Bukit tu kebendar ya gunung berapi dulu kelia tang iya udah mati. Mayuh orang enda nemu Bukit Tiger tu gunung berapi. Nama kebuah ya dikumbai Bukit Tiger laban warna bukit tu baka tiger. Ukai tiger tin warna biru.. Huhuhu.. Subur tanah ba ditu nya alai orang berladang sawit ba ditu. Dulu kelia alai Bristish nanam pisang abaka. Pisang ke nadai bebuah kena ngaga tali, baju, tudung enggau mayuh agi. Udahnya kami lalu agai Kalabakan laban ka meda Formasi Kalabakan ba Hulu Sungai Umas-Umas. Mansa Merotai ka agai Kalakaban. Maya pulai nya aku bisi tepeda ke signboard Kampung Iban. Kawan aku madah nya sigi alai bala iban diau. Engka kita bisi bala diau din. Tengahari udah abis kerja lapangan kami. Lemai nya aku enggau bala ke bukai bejalai ba pasar Tawau. Agai pasar besar Tawau. Kawan aku Jen orang Tawau jadi tourist guide kami. Aku meli amplang (keropok ikan), belinjo ( keropok buah nama enda.. enda nemu.. tang pait) enggau gajus. Ohh amai.. setiap pagi Jen mai ke aku breakfast ari rumah. 1st iya mai nasi ayam gaga indai ya. Mayuh manuk beri indai ya.. bendar aku ngabiska nya. 2nd ya mai ke aku nasi kuning enggau ikan. Wahh.. sedap gak. Tauk bekedai indai iya nya. TENKIU JEN & MAK JEN!!!.. Hahaha..

 




Prof Baba benung meri penerangan berkaul enggau gunung berapi






Last.. pagi 14.05.09 kami pan lalu pulai ke Kota Kinabalu. Udah breakfast apa semua kira ke pukul 9 pagi kami angkat ari Tawau. Bye Tawau.. :P Tengahari kami ngetu ba Pekan Kinabatangan baru. Kami sempat singgah ba Sekolah Menengah Matupang, Ranau laban bala muslim ka solat. Kami pan singgah magang ninggal ke kemi ya sekula orang. Haha.. Dahnya kami singgah ba Kundasang. Celap ba Kundasang.. Udah gak malam hari. Sempat meli panggang manuk ku. Nyum.. Nyum.. Nyau pukul 10 pm baru kami datai ba Kota Kinabalu. Wahhh.. Best gak fieldtrip tu kebendar ya. Rindu amai. Nyau abis Sabah dipeda aku. Sarawak kemaya deh?? Akai akai.. bedau meh.. Hehehe..

No comments:

Post a Comment