Thursday, May 7, 2009

Cold Kundasang, Beautiful Ranau


        Akaiii.. Nyamai amai udah tembu exam. Tapi bedau meh aku ulih pulai ke menua. Laban kami bisi fieldtrip around Sabah 9hb tu ila. Nya baru bendar. Lama udah aku enda post ba blog ditu. Nyau repa.. Huhu..

Sebedau exam arinya kami sempat fieldtrip. Org kiruh prepare exam, kami kiruh fieldtrip. Tang enda ngawa gak.. nya baka belajar di luar kelas. 1st day kami agai Ranau. 2nd day kami agai Tamparuli enggau Taman Indah Permai.

Tu sekeda ari gambar ke sempat ambi aku maya agai Ranau. 



Tu gambar ba area Kundasang. Ba ditu mayuh tower gaga org kena nampai Gunung Kinabalu. Nti agai Ranau.. lebih kurang 76 ari Kota Kinabalu. Tang ketegal jalai ya nyau baka ular dahnya mayuh niki bukit nya kebuah lama amai. Engka bisi datai 3 jam. Sampai bisi bala kaban nyau temutah-mutah bai nengah jalai kenya.



Best amai permandangan ba ditu. Peda kita awan nya.. asai ka ku jengkau aja. Hehehe...




Sign board madah ke penyauh tempat. Dudi ari ila nemuai agai Poring Hot Springs. Bisi kolam air panas ba dia. 



Tu meh gaya sida ya berumah din. Sigi ba kaki bukit berumah. Pemadu ya celap ba ditu. Nibuh ngena air-cond. Aku meda mayuh kerita ke mansa area tu muka cermin magang. Ngena udara fresh. Hehe.. Kebendar ya kawasan sida tu senang ka tanah runtuh. Tanah ditu enda stabil. Tapi sida iya enda entu irau laban sigi asal udah diau dia.



Ba kedai tu meh aku enggau bala kawan aku makai. Hehehe.. Nyepi utai sumai cina ba Ranau.
Oke gak... Not bad. 


Tu meh gaya pasar Ranau. Pasar sida mit aja tapi umbas ya sesak gak.. Laban mayuh temuai datai ke menua sida.




1st point kami ba Ranau iya nya Sungai Kenipir. Ngelebus mimit ari pasar Ranau. Kami meda sesar sungkup, batuan metamorfik gred rendah enggau mayuh agi utai. Sempat gak meda org putih practice water wrafting ba ditu.



Enti kita meda gambar tu asai ku nda kita nemu nama utai dia.. Nama gaga pen nya dia? Nama utai ke manah ba gambar nya. Pen nya mina nyadi skala. Kena org nemu ni pemesai utai nya. Uji kita berati ka batu ke bentuk baka ulat nya. Ya ke ngembul mimit nya. Nya dikumbai kami fosil surih. Nya alai ulat bejalai maya dulu kelia. Ari kedudukan fosil nya kitai nemu batu nya ba dini dulu kelia. 


2nd and last point kami ba Ranau iya nya Kampung Tanah Merah. Tanah ba kampung tu sigi merah laban udah terluluhawa. 



Ba atas nya dikumbai batu Peridotit Serpentinit. Batu tu asal ari aktiviti volkanik.



Udah kami abis semua, sebedau pulai agai KK baru kami singgah ba pasar Kundasang. Mayuh kubis enggau utai lain baka strawberi, carrot, madu dan sebagainya. Laban menua tu celap nya meh ulih nanam sayur kenya.




Gambar berlatarbelakangkan Gunung Kinabalu.




Maya kami benung bergambar.. sekali indai tuai ke nyual bunga dia alu nyuaka kami sebaldi bunga rose. Kumbai ka meri meh tadi. Nah.. kena kita bergambar ko ya. Hehe.. Ya nyual nya rm5 siti. Mayuh jenis gak bunga ba ditu.. enda entu ngelala.




Strawberi ke beli aku. Enti siti rm4. 3 iti rm10. Aku alu meli 3 iti. 2 iti nya beri ku ke kawan ku. adai alah makai nya magang. Hehe..



Gunung Kinabalu.. ambi aku ari dalam bas. Nyau begetar gaya gambar nya. Enda entu clear laban bateri aku nyauka abis. Dudi ari ila enti bisi peluang aku ka niki Gunung Kinabalu. Rugi gak enti enda niki kada ke udah ba ditu kan..

Bah.. Nya aja meh.. zaijian (bye)!!!







No comments:

Post a Comment