Saturday, February 28, 2009

Nama GEOLOGI?

Mayuh ga orang agi enda nemu nama utai geologi. Lagipun enda mayuh IPTA bisi kursus geologi. Diatu semina bisi ba UMS, UM enggau UKM. Baka aku suba pan enda entu nemu. Tang diatu GEOLOGI udah nyadi sebahagian ari idup aku. :P

Aku ka mai kita bekelala enggau geologi. Sapa ke baru abis form 5 manah macha tu. Ni nemu bisi terbuka ati ka study geologi ba U. Hehehe... Secara am, geo nya bumi & logi nya kajian. Jadi geo+logi = kajian bumi. Geologi iya nya sains ke bekait enggau bumi, pembentukan iya, komposisi iya, nama-nama perubahan ke nyadi ba bumi enggau sumber ekonomi ke ulih ari bumi.

Rindu gak aku belajar utai bakanya. Bala geologist tu baka doktor bumi tauka investigator bumi. Kitai nemu nama terjadi enggau bumi dulu kelia ari struktur-struktur ke dipeda kitai diatu. Ngambika contoh, Gunung Kinabalu. Nama kebuah iya tauk diak? Gunung Kinabalu nya hasil ari intrusi magma. Batu ke angat ba dalam perut bumi terkeluar. Proses pengangkatan.

Nama kebuah geologist muai masa belajar ke batu? Kebendar ya batu nya baka buku sejarah. Iya bisi nyimpan mayuh sejarah enggau maklumat maya bumi bertukar 4600 tahun ti udah lalu. Jadi maya geologist ‘macha batu’, sida kebendar ya macha sejarah bumi. :P Salah 1 contoh batu ke bisi manah nyimpan rekod iya nya “sedimentary rock”.






         Gambar ba atas nya antara gambar-gambar ambi aku maya ngaga fieldtrip.


Diatu lain udah cara aku meda alam sekitar sekumbang udah belajar geologi. Batu ke nadai apa-apa pan ulih jadi manah dipeda. Bukit pan manah dipeda laban kitai nemu nama kebendar ya terjadi enggau komposisi bukit nya. Pia mega enggau sungai-sungai. Hehehe.. Mesra alam amai. Baka enti meda tanah runtuh pan kitai ulih explain keni benda nya ulih terjadi.

Mayuh bala kaban rindu agi menceburkan diri ba dalam Oil & Gas company. Lebih-lebih agi dalam team oil exploration. Ngiga dini bisi hidrokarbon terperangkap. Contohnya ba tempat ‘pull apart basin’ lalu disimpan ba antiklin tauka sinklin.. etc. Tang ukai semina keja ngiga minyak aja, ulih mega keja dalam sektor pembinaan baka ngaga jambatan, ngaga jalai alun, ngaga bangunan. Sama berkerjasama enggau engineer. Enti ba kerajaan, ulih kereja enggau Jabatan Mineral dan Geosains.

Course aku mayuh ngaga fieldtrip. Bejalai kin kitu meda struktur batuan, meda alam sekitar. :P Mengkaji bentuk-bentuk alam ke bisi ba muka bumi. Kami bisi kerja kumpulan. Setiap kumpulan diberi 1 kawasan kena ngaga kajian. Jadi terpaksa meh nyewa kereta kena mengkaji kawasan nya. Ngiga peta kin kitu, meda geomorfologi kawasan nya, meda outcrop ke bisi diak dan sebagainya. Udahnya baru ngaga laporan, berlukis ke peta. :P Rindu gak bejalai-jalai, tang ngaga laporan nya ke enda rindu. Hahaha…

Cerita pasal geologi tu akan disambung belama meh.. laban iya gak udah jadi pengidup aku. Haha…

Daaaaa… TQ

4 comments:

  1. huhu...gumbiranya si duruk dgn geologinyaaa..

    ReplyDelete
  2. Manah meh nya. ila tau gawa ba opis Geologi lalu mansit pasal Gempa Bumi. tanah berenyang. Kediatu opis kami bisi ga mansit pasal tanah berenyang. Opis Meteorologi, suba dikumbai orang opis ngemata ke gaia ari. (cuaca)

    ReplyDelete