Saturday, February 21, 2009

Maya Sekolah Rendah...



Tu aku ka nusi keni cerita aku maya bersekula ari tadika nyentuka darjah 6. Maya tahun 1993 aku masuk Tabika Taman Siang. Umur aku maya nya baru 4 tahun laban aku ada bulan 11. Nya meh kebuah aku ba tadika 2 tahun. Enda gak berasai ngabiska tadika 2 tahun laban ke rindu bemain enggau bala kaban sama tadika. Enda jauh ari rumah aku tadika nya... Enti belawak 3 minit kini. Aku enda entu mayuh utai ingat maya ba diak suba. Tang tumu-tumu pagi tauka maya rehat selalu berebut main jongkang-jongket. Mayuh kawan aku ke sama tadika agi nyadi kawan sampai diatu.. Enda alah taip nama. Hehe.. Ba ditu meh alai aku belajar nulis, macha, ngira kelimpah ari ajar org ba rumah empu. Sebedau pulai pukul 11 pagi, kami suruh cikgu berbaris enggau belagu "Sayornara". Ba tadika suba selalu mai enggau orang ngajat tudah aku. Nyau datai ke Sibu ngaga persembahan. Haha.. Mesti aku cute maya nya kan. Naaa... Sayau nadai gambar. Dudi ari ila aku post.

Udahnya tahun 1995 aku masuk darjah 1 ba SRB. St. Luke tang diatu nama dah ditukar agai SK. St. Luke. Darjah 1 nya bc 3 iti kelas suba. Kelas Cempaka, Teratai enggau Kemboja. Aku masuk kelas 1 Cempaka. Guru kelas aku maya nya Cikgu Rabiah. Haha.. Agi ingat aku. Maya rehat selalu enggau kawan-kawan makai ba tisi tauka belakang bagunan kelas. Aku agai sekula jalai kaki jak suba. Indai aku selalu nganjung ngemak beg sekula aku. :P Kadang-kadang aku numpang kereta jiran.

Tang maya darjah 3 sampai darjah 4, aku nadai agi sekula ba St. Luke laban nitihka apai aku pindah agai SRK. Nanga Klassen. Kami pan nitihka iya meh. Sekula tu enda jauh ari pasar Sri Aman. Engka bisi 45 minit. Ba Klassen aku selalu nitihka bala anembiak asrama bemain lebuh lemai ari. Pengawa ke paling dikerindu iya nya mandi ba ai sungai Klassen. Hahaha... Gaga amai mandi enggau bala mayuh maya nya. Ba Klassen bisi andau tang enda gak sepanjai Jambatan Tamparuli. Mula-mula takut ka niti andau, udahnya lalu belawak ngeso kediri. Kadang-kadang aku nitihka indai aku ngiga tubu ba belakang sekula nya. Tubu one of my favourite food. Aku pan selalu dibai apai enggau indai aku nani pukat ba ai Klassen. Sampai aku bisi sengayuh saiz aku empu. Maya ka pulai udah nani pukat nya, ka 'lopot' bekayuh nanjak ai sungai ti deras. Neeee... Rindu gak sekula ba luar bandar tu. Enti enda pindah kia suba, enda aku nemu utai kenya. Main ba jalai tar & playground ja temu aku. Hehehe.. Ya ke paling best.. aku belama ke bulih lumur 1 diak. :P

Darjah 5 aku pindah baru agai sekula lama, SK. St. Luke. Kelang-kelut meh tudah aku. Betemu baru enggau Cikgu Rabiah nya. Tekenyit ya meda aku baru. Masuk 5 Cempaka aku.. Cikgu nya jadi guru kelas Cempaka ari darjah 1-5. Kiranya iya nemu keni tahap pencapaian kami. Aktif maya aku sekolah rendah suba.. Diatu ke nyau lembau mimit. :P
Aku selalu enggau olahraga wakil sekolah (acara trek kehebatan aku.. haha), badminton wakil sekolah kala gak (nda terer.. semadi), kala jadi pemidato sekolah (boleh la.. ), kala wakil Sri Aman enggau Pesta Tunas Puteri Negeri Sarawak dahnya.. kala enggau Pesta Tunas Puteri Antarabangsa. Huuu.. Paling best... Jadi Murid Contoh Sekolah tahun 2000. Haha.. Enda gak aku pecaya ke aku tu kenya suba.. diatu dah lain. :P~

Nya aja lah cerita aku.. Mayuh kebendar ya.. Ulih nulis 1 buah buku. Daaaa... TQ

1 comment:

  1. welcome to blogging world... pama amat indu lala tuk neh agi sekula primary suba neh...hehe

    ReplyDelete