Saturday, February 21, 2009

Dini menua Banting, Lingga?

Aku ka berkunsi enggau kita menua indai aku.
Awakka kitai nemu keni gaya menua org.. enda pia?

Menua tu ba bahagian Sri Aman.. iya nya Banting, Lingga.
Bedau sempat ngambi bacaan GPS diak..Engka bc bala kitak kala ninga orang munyi tu
"UDAH MAKAI PULAI.. BAKA ORANG BANTING"
Tauka ninga lirik lagu Maxwell .. "BUKIT LINGGA SEMPAMA LESUNG"Hahaha...Banting agi nengah jalai ai.. bedau datai jalai.
Nda nemu rancangan Sarawak ke berapa nya ila.. ehehe
Tapi bisi khabar angin jalai ka digaga orang.
Sebedau ke Banting, singgah dulu ba Lingga.Ari pasar Sri Aman agai Lingga lebih kurang 1 jam 30 minit. Enti jalai jai.. lama agi gak..

Tuk gaya pasar kayu Lingga. Ahaks!~
Nti aku ka bejalai diak pan nangi2.. nda alah terpuruk



Ari Lingga alu nepan perau nuju Banting.
Kira2 lebih kurang... 1 jam.
Nitih ke muatan.. nti sarat lubah gak.. nitih ke injin kena.

Tu meh gaya utai peda dalam perjalananan. Bc mansa org ngempang udang.
Sapa2 ke nda kala meda Bukit Lingga nya meh ya.. baka lesung ko org. Cuba kita empu berati.






Tu pemandangan ari atas bukit. Ba atas bukit bc
Sekolah Rendah Kebangsaan St. Paul, Banting.
Sapa ka ngajar kia tauk gak.. besai mai elaun! Haha..
Ka niki agai bukit nya pama gak.. Tinggi. Enti orang ke enda teleba nyau ngetu dulu nyintak seput. Haha..



Ba Banting bc Gereja Anglican kedua tertuai ba Sarawak pengudah
St. Thom, Kch.
Ari senibina gerija tuk kitai ulh meda. Suba nadai Father nguan gerija tu. Tang diatu udah bisi Father Richard.

Bansa kitai Iban ari Banting (Lingga) enggau Saribas dulu agi nemu nyurat ari Iban ba ai bukai laban menua dua bengkah tu dulu agi endur pengawa mission datai, iya nya pengawa ti ngerembaika ajar pengarap Kristian. Ambika banding, mission datai di Banting, Lingga urung taun 1860 kelia lalu udah nya nyerekai ke Saribas ari bai Buda anak Orang Kaya Pemancha Dana (Bayang). - Diambi ari bup Gempung Jerita Tuai Bansa Iban.

Ba keliling gereja nya mayuh kubur. Diak meh niang aki aku.
May his soul rest in peace.



Tu sekula ke ba atas bukit nya padah aku tadi. Sekula tu sigi udah lama dia. Indai aku besekula ba dia. Terubah iya apai aku posting orang pan ba sekula nya. Bis sapa-sapa ka ngajar diak? Besai elaun!

Tu meh jalai nuju agai rumah panjai kami.
Jimat bejalai diak.. Licin. :P



Nya iya.. Udang goreng. Enti agai Banting nya meh utai dianti. Ka makai udang besai-besai. Enti nyema bisi orang melah pinang, enda sah enda makai udang. Empa mata nyamai meh. Campur belacan, cabik enggau limau. Nyum nyum...


Nya aja asai aku. Ila lusa cerita baru pasal Banting.
Daaaa... TQ.

10 comments:

  1. manah endar berita ari nuan tu.
    Mansa lu.

    ReplyDelete
  2. i miss my rmh panjai @ banting, lingga

    ReplyDelete
  3. nuan ba rmh tuai rmh rantai ka?

    ReplyDelete
  4. Indai aku pan ari banting meh. rumah panjai sida iya ba chabu. Niang ini ku ba kubur nya dia meh orang ngubur ka iya. udah nya kami pindah ka engkranji. suba selalu ku nemuai ka banting.

    ReplyDelete
  5. Suah amai ku nemuai ngagai ruai nuan tu, pemadu pengerindu ku mansik enggau silik pasal menua kitai ba batang strap dia. Suba maia sekula urung taun 80 an suba kami selalu ngena motto Dundi kelia. Bisi agi kini diatu kes undang mabuk ka enti maia ai keroh. Siti siti tu sungai ti bisi ngembuan kes undang mabok maia musim kemarau lalu maianya ai udu keroh. Balat nyamai undang kitai menua nya. Sigi tampat rita menua banting ketegal penyamai undang. Aku sigi setuju pasal blog nuan ti nyebut bansa iban balau ti terubah nemu nyurat. Kelia menya aki ku Ijau berani kelia. ia sigi nadai nyakal perintah James Brooke lalu ngujung ke ia bekaul rapat enggau raja James Brooke. Nyaalai nyamai lah bala raja numbuh ke sekula be menua ngelingi sungai Strap,Engkranji. semulung, menuang. langgir enggau engkerepok semua nganjung anak sida sekula ngagai St paul.Minta nuan mansik pasal cherita lama kelia ulih ke. Kelebih agi cherita Ijau enggau Jubang, Jalong ke ngetan ke menua banting ari serang munsuh. Tentu nuan tu agi bisi Aki Ini be banting. Tu aja dulu, ila ku nemuai baru.

    ReplyDelete
  6. Ka ngabas empang lu angka bisi bulih undang....

    ReplyDelete
  7. ngagai banting makai undang belama.... aku uchu 2y rumah.....

    ReplyDelete
  8. Terima kasih agai komen bala kita. Aku lama udah enda pulai ke Banting. Niang Inik Pin aku nadai arinya pan aku enda ulih pulai ketegal jauh. Dudi ari ila bisi ati ka nyerungkai cherita bukai ba menua tu.

    ReplyDelete
  9. Good job, tambah ka agi pemenah blog nuan tu endu, awak ke orang ti mansa ruai nuan tu tau duduk entap begiga serta nyerungkai sekeda berita ke bisi besangkut paut enggau iban balau di batang strap dia.

    ReplyDelete
  10. Nyadi aku benung begaga ke sejarah asal usul kampung banting.Nya alai aku beguna ke lebih mayuh agi maklumat pasal banting tu.Ulih send email ngagai aku ba tkarong@gmail.com

    ReplyDelete